საქართველოს მოქალაქეობის შენარჩუნება

გთხოვთ დეტალურად გაეცნოთ ინფორმაციას!

საქართველოს მოქალაქეობის შენარჩუნებასთან დაკავშირებული პროცესის წესებისა და პირობების შესახებ დეტალური ინფორმაციის მისაღებად, გთხოვთ ეწვიოთ საქართველოს იუსტიციის სამინისტროს სახელმწიფო სერვისების განვითარების სააგენტოს ოფიციალურ ვებ-გვერდს SDA.GOV.GE

 

გთხოვთ გაითვალისწინოთ!

საქართველოს მოქალაქეებს, რომელთა მიმართ 2018 წლის 15 აგვისტომდე არ იყო მიღებული გადაწყვეტილება საქართველოს მოქალაქეობის სხვა ქვეყნის მოქალაქეობის მოპოვების გამო დაკარგვის თაობაზე, უფლება აქვთ, 2025 წლის 31 დეკემბრამდე მიმართონ შესაბამის უფლებამოსილ ორგანოს საქართველოს მოქალაქეობის შენარჩუნების მოთხოვნით.

 

განცხადების წარდგენის გზები:

საქართველოს მოქალაქეობის შენარჩუნების საკითხზე განცხადების წარდგენა (დაინტერესებული პირის მიერ პირადად ან წარმომადგენლობითი უფლებამოსილების მქონე პირის მეშვეობით) შესაძლებელია შემდეგი გზით: 

1. 1. საქართველოს იუსტიციის სამინისტროს სახელმწიფო სერვისების განვითარების სააგენტოს მეშვეობით. შესაბამისი განცხადი და სავალდებულო დოკუმენტები უნდა წარადგინოთ საქართველოში იუსტიციის სახლის ფილიალში: გადადით ბმულზე და იხილეთ იუსტიციის სახლის ფილიალები. დამატებითი ინფორმაციისთვის ეწვიეთ სახელმწიფო სერვისების განვითარების სააგენტოს ოფიციალურ ვებ-გვერდს ან დაუკავშირდით შემდეგ ნომერეზე +995 32 2 40 10 10 
   2. სახლიდან გაუსვლელად, დისტანციურად, სახელმწიფო სერვისების განვითარების სააგენოტს ოფიციალური ვებ-გვერდის მეშვეობთ. გადადით ბმულზე და იხილეთ დეტალური ინფორმაცია.
   3. საზღვარგარეთ საქართველოს დიპლომატიურ წარმომადგენლობას ან საკონსულო დაწესებულების მეშვეობით.

 

განაცხადის წარდგენა ქ. ნიუ-იორკში საქართველოს გენერალურ საკონსულოში

ქ. ნიუ-იორკში საქართველოს გენერალური საკონსულოს მიერ საქართველოს მოქალაქეობის შენარჩუნების საკითხის განსახილვის მიზნით საჭიროა გენერალურ საკონსულოში ვიზიტის დანიშვნა და შემდეგი დოკუმენტების წარდგენა.

1. 1. შევსებული განცხადება (შეავსეთ საქართველოს მოქალაქეობის შენარჩუნების ფორმა) გთხოვთ ფორმა შეავსოთ ლურჯი ფერის კალამით.
   2. დაბადების მოწმობა, თუ მოქალაქეობის მინიჭების მსურველი დაბადებულია საზღვარგარეთ და აქვს აღნიშნული დოკუმენტი (აპოსტილით დამოწმებული და ნათარგმნი ქართულ ენაზე);
   3. 2 ფოტოსურათი – ზომით 3X4;
   4. საქართველოს მოქალაქეობის დამადასტურებელი დოკუმენტი (პასპორტი / პირადობის დამადასტურებელი მოწმობა ან სხვა სახის დოკუმენტი რომელიც ადასტურებს მოქალაქეობის სტატუსს);
   5. სხვა ქვეყნის მოქალაქეობის ფლობის დამადასტურებელი დოკუმენტი (პასპორტი / პირადობის დამადასტურებელი მოწმობა ან სხვა სახის დოკუმენტი რომელიც ადასტურებს მოქალაქეობის სტატუსს);

გთხოვთ გაითვალისწინოთ, იმ შემთხვევაში თუ თქვენი სახელი/გვარი შეიცვალა უცხო ქვეყანაში რეგისტრირებული სამოქალაქო აქტის საფუძველზე (მაგ. ქორწინება, განქორწინება ან სხვა) საჭიროა წარმოდგენილ იქნეს სახელის/გვარის ცვლილების დამდასტურებელი დოკუმენტი ან სხვა ცნობა აპოსტილით დამოწმებული; 

მომსახურების  ვადა და საფასური:

მომსახურების ვადა	მომსახურების საფასური (ლარი)	მომსახურების საფასური (დოლარი)
მე-80 დღეს	500 ლარი	155 USD
მე-60 დღეს	700 ლარი	220 USD
30 დღეში	1000 ლარი	310 USD

 

მომსახურების საფასურის გადახდასთან დაკავშირებული დამატებითი ინფორმაციის მოპოვების მიზნით, გთხოვთ ეწვიოთ ბმულს.

საქართველოს არასრულწლოვანი მოქალაქისთვის საქართველოს მოქალაქეობის შენარჩუნების საკითხის განსახილველად ქ. ნიუ-იორკში საქართველოს გენერალურ საკონსულოში წარდგენილი უნდა იქნეს:

1. 1. საქართველოს მოქალაქეობის დამადასტურებელი დოკუმენტი;
   2. სხვა ქვეყნის მოქალაქეობის ფლობის დამადასტურებელი დოკუმენტი;
   3. მშობლის თანხმობა;
   4. 14 წელს მიღწეული არასრულწლოვანის შემთხვევაში – არასრულწლოვანი განმცხადებლის თანხმობა.

არასრულწლოვნის ან მხარდაჭერის მიმღები პირის მოქალაქეობის საკითხი განიხილება მათი კანონიერი წარმომადგენლის განცხადების საფუძველზე.

14-დან 18 წლამდე არასრულწლოვანი პირის მოქალაქეობის საკითხზე კანონიერი წარმომადგენლის მიერ წარდგენილ განცხადებას უნდა დაერთოს არასრულწლოვნისა და მეორე მშობლის (არსებობის შემთხვევაში) წერილობითი თანხმობა. არასრულწლოვანს წერილობითი თანხმობის წარდგენა არ მოეთხოვება, თუ იგი, ამასთანავე, მხარდაჭერის მიმღები პირია.

ყურადღება! განცხადება და მოთხოვნილი დოკუმენტები უნდა წარმოადგინოთ ქართულ ენაზე. სხვა ენაზე შედგენილი დოკუმენტები მიიღება, მხოლოდ სათანადო წესით დამოწმებულ ქართულენოვან თარგმანთან ერთად.